SINRILIK
#SINRILIK KAPPALA TALLUNG BATUA Iaminne uru kana passalakna Karaeng tunisombaya ri Gowa. Ni somba tojemmak ri Gowa, tinggi tojeng empoku, tenamo somba i rateangku, tenatong karaeng sangkammangku ri Gowa. Inakkemi napaklaklangi karaeng bate-batea, ingka sekrepi ku boya. Bajikmak nuboyang ngaseng Bate Salapanna Gowa. Boyamma Daenta Gallarang Bonto, boyantomma Paccelleka Boriksallo, na nuboyanga Sudiang, boyantongak pole Samata siagang Mangngasa. Salloinne niak ngasemminjo mae Bate Salapanna Gowa. Akkanami Bate Salapanna Gowa, “Sombangku, apa kutadeng na nipassekre Bate Salapanna Gowa, niboyami pole Karaeng Bate-batea, Karaenta Popok, Karaenta Pakgannakang, nisuro boya Karaenta Lekokbokdong, Karaenta ri Mamampang. Nisuro boyami pole Tumailalang Kalukuang. Nisuro boyami pole Tumailalang Jarannika. Nisuro boyami pole karaenta ri Garassik. Nisuro boyami pole Karaenta ri Tallo, nisuro boya Karaeta ri Lakbakkang. Nisu...
